من طرف doPoem(0)
لو قلت أهاجرشفتها منك معـروف
الموت يوم ابقى معك وانت هاجـر
ناوي تعيش بقلب اخرص ومكفوف
وأنا اعيش بقلـب أسـود وفاجـر
المشكله اني حنجره وانك سيـوف
كلك سيوف وكل جسمـي حناجـر
وان جيتني جبار في ثوب ملهـوف
أحس في داخـل سيوفـك خناجـر
كانك تعرف الخوف يا مصدر الخوف
اشتر دموع ودور اقـرب محاجـر
وارجوك تسمع كان ما عندك ظروف
لا صار دمعك مثل دمـع المهاجـر
دور عليه اوراق واقـلام وحـروف
اقلب عليه السوق فـوق المتاجـر
والتاجر اللي يجمع الشوك والصوف
لا وفـق الله مـن يسميـه تاجـر
وانا بهاجر بس ابي منك معـروف
لا تنتظر مني وصل وانـت هاجـر
