من طرف 
.. الذنب ذنبي ..
الذنب ذنبـي .. والخطــايا .. خطــاياي
لا للزمـن ذنب ٍ .. ولا في البخـت عيب
ذنبي وانا اللي .. سقت الاقدام برضاي
حـبّيـت لي .. مـن خلّـت الحب تعــذيب
جيت اسبـق الخطـوة .. وشـايل هداياي
والحلم في عـيني أشـــوفه .. ولا يغـيب
وإيدي على قلبي .. وخايـف من الجـاي
مسكـين يا قلب ٍ .. جهل ما حوى الغيب
بطـيب نيّـة جـيت .. واثر العنـــا جـاي
ولا قــدّرت حـبّ ٍ .. ولا قـــدّرت طـيب
كلّ الحكـي قلتــه .. وجـرّبـت مغـنـــاي
ولا فـاد ما قلتــــه .. ولا فـاد تجــريـب
بغيت اقــول .. وقاطعتـني بقولة : هاي
( حلو كلامـك .. كلّه رقـه .. وتهذيب )
قلت العفـو في خاطري شي .. قالت باي
مشغـولة مشغـولة .. ووقتي بترتيب
وصـدّت ولا ردّت .. وانا آآآآه ما اشقـاي
تايه .. وضايع .. بيـن صـدق ٍ وتكـذيب
صــدّت والى من قلت صــدّت .. أبي ناي
ناي ٍ يعـــبّر .. عن مـدى الحــزن بقليـب
نـاي ٍ يـقــول : إن الخطــايــا خطـــايـاي
وان الزمـــن .. مالــه ولا للبـخـت عـيب
ذنبي وانا اللي .. سقت الأقــدام برضـاي
حـبّيـت لي .. مـن خلّـت الحب تعــذيب
مع تحياتي::بنت العبدالله
