من طرف 
إيه أنا قررت أختــّـم قصة ألوان العذاب
قـصـة ً فيها بديتي ما عرفتي تختمين
لأني والله باختصار ملّ قلبي الأكتئاب
وملــّـت عيوني انتظارك في تجين وما تجين
لو لقيت الحب عندك ما نويت الأنسحاب
بس إنتي بي قسيتي وما طرا لك تسأليــــــــن
قبل أجي لك كنت والله للكلام أحسب حساب
خبرك إنتي أي كلمة من بعدها تزعليــــــــــن
أعترف توّي صغيّر في بدايات الشباب
وأنتي والله مو كبيرة بس كنتي تجرحين
الغلا جاك بصمودهـ بس مدري ليه ذاب !
و الغلا لو جاك كلــّـه في عيونك ما يبين
لو تبرّر لي ذنوبك قام قلبي واستجاب
أقسم إنك من بعدها ترجعين وتذنبيــــــن
( و ارتكاب الذنب صدفة غير عمد الارتكاب )
وكنت أنا أطلبك ضحكه وما قويتي تضحكين
أبني أفراحك بيدّي وما لقيت إلا الخراب
وأجمع أحلامك بحلمي وما بغيتي تجمعين
طالبك قلبي تشجع ما عليك ولا تهاب
وأعلن فراقي وصوّت في جموع السامعين
خلها تسأل عليّ وتجمع أسباب الغياب
ولين حسّت في غيابي هلــّت الدمع الحزين
تسألك بس أمتنع ولا تسمعها جواب
قل لها تجرب غيابي وبالتجارب تفهميـــــن
وإن أصرّت إنك تجاوب عليها ليه غاب ؟
قل لها ليش كنتي تطعنين وتطعنين وتطعنين !؟
